三麻鳳桌檢討(二)

局面黎到All Last，自己暫1，2,3 位微差，分析場況後幾個重點：
1. 自己立左直會唔夠40000點，如果立完食唔出，下鋪需要食糊先top。
2. 立完後上家必然對攻，但基於2,3 位點差不足2000點，莊家仍然會向食糊方向前進對攻。

自己打第一隻5p 時早已聽牌，35577789p 形狀下無論聽卡4p/57p 雙碰都稍弱，雖然改良空間不多，但立直嚇唔走人嘅話冇咩意思，dama應較好。

之後如願摸到2p 改良，理應即立。
(原因: 1. 良形14p 6枚殘，當中1p 上家摸到幾乎必打，待牌唔錯 2. 兩家冇明顯聽牌signal )
實戰打5p繼續dama ，覺得係過於保守了，呢副理應有先手進攻價值，即使之後同人對攻勝算亦唔低。

應該5p 立直。

中巡摸9s 聽牌，打2/5s可聽嘅係邊章7s 2600點，但愚形兩枚殘。
暫時所有dora/赤牌未見，自己亦冇北。其實有一定嘅危機，而當他家立直/有聽牌signal 時，其實自己係冇對攻資本。
實戰打2s dama，但覺得打1m，邊做混一色觀望可能更好。
（原因：1. 副露後都有5200 以上打點 2. 混一色有對攻嘅資本，做到門清更有r跳滿可能。3. 2600 點收入對場況冇咩太大幫助，待牌枚數又少）

應該打1m。

尾巡卡3p nomi聽牌，場上供託加埋雖然吸引..... 但明顯地局面潛伏左好多危機。
（原因：1. 上家北3 2. 對家手切紅中，而之後冇人幾巡內跟打）
實戰5p dama，係一個miss。要打5p 嘅話倒不如直接立直，反正5p 已經係衝緊牌。但5p 其實唔打得，始終風險遠大過收益，唔應該搏呢d牌。

應該打西棄胡。

去到呢度基本上只剩自摸跳滿以上逆轉機會，入到dora 情況下8s 一定要留。
方向應得返七對/二盃/立摸平盃dora 2。
實戰打2p 實在錯到不得了，69p 得返一隻，14p 存量明顯高好多。（加上2p 自己視角現4）。仲可以保留做七對/二盃可能。
當時應係第一眼見到自己打過1p 就拆左23p ，又冇留意69p 存量，打得太垃圾了 !! 仲有d 咁嘅大失誤想唔食三都難.....
即使係振聽14p 聽牌其實都冇野，反正都係要自摸。

應該打8p 。

（待續 ...）