Estache bo! 2021.11.1

Milfollas de berenxena e queixo fresco | CRTVG

Milfollas de berenxena e queixo fresco

O noso reporteiro recadeiro Rafa Durán visitará en Friol a César, de Queixos Conchy, para recoller o produto estrela de hoxe: o queixo fresco.

Ingredientes

Para frixir as berenxenas: • 2 berenxenas • 1 litro de auga salgada • 1 cunca de fariña de garavanzo • Sal e aceite de oliva

Para o recheo: • 300 gr. de queixo fresco • 1 culler de coandro fresco • 2 culleradas de sementes de sésamo • Sal, pementa e AOVE • 3 tomates picados en dados sen pel nin sementes

Para acaramelar as cebolas: • 3 cebolas en xulianas • 2 culleradas de mel • 2 culleradas de vinagre • Sal • AOVE

Para a redución de viño Porto: • 1/2 cebola moi picada • Sal • 1 culler de fariña • 1/2 litro de caldo de polo • 1 cunca de viño Porto

Elaboración:

Hoxe o queixo fresco comémolo cunha berenxena fritida. Nunha tixola co fondo de aceite, acaramelamos as cebolas axudándonos de mel, vinagre e sal.

Nun cazo rustrimos a cebola, incorporamos a fariña, o viño e o caldo. Cocemos ata formar a salsa. Pasámola polo coador chinés e reservamos.

Nun cunco machucamos o queixo fresco, incorporamos o coandro, o sésamo, os tomates, aceite de oliva e salpementamos.

Friximos as berenxenas previamente pasadas por fariña, montámolo prato. E listo para comer…!!!