Torta "relada" de framboesas e chocolate

Torta "relada" de framboesas e chocolate | CRTVG

Hoxe Rafa Durán visitará a Xosé Antón Araúxo da Comunidade de Montes Do Couso en Gondomar para recoller framboesa e facer: Torta "Relada" de framboesas e chocolate.

Ingredientes:

- 5OO gr. de framboesas

- 1 cullerada de maicena

- 4 culleradas de azucre

- 1 libra de chocolate para fundir ou chocolate para cobertura

Para facer a masa:

- ½ kg de fariña de trigo

- 200 gr de manteiga sen sal

- 2 ovos

- ½ cunco de leite

- 120 gr. de azucre

- 1 sobre de lévedo

Elaboración:

A sobremesa de hoxe vai de framboesas. Nun cunco mesturamos a fariña, a manteiga, os ovos, o azucre, o leite e o lévedo. Amasamos e metémola masa no conxelador durante 20 minutos. Noutro cunco mesturamos as framboesas coa maicena e o azucre.

Relamos a masa cubrindo a fonte de forno, enriba as framboesas e uns anacos de chocolate. Cubrimos co resto da masa relada e enfornamos 40 minutos a 180 graos.

Derretemos o chocolate no microondas, metémolo na manga pasteleira, facemos as filigranas e directo ao conxelador. Empratamos e listo para comer…!!!

Así mesmo, Isabel Villanueva visitará de novo o plató para axudar a Xoanqui coa receita.