幽契約
前言
早晨，我係魚。
從契約篇開始就推出咗幾副以舊時代黑底字段效果為題材嘅deck，以最新一副就係67代以「咒擊」為賣點嘅蝙蝠波波幽契約。玩咗幾星期得出結論：幽契係簡單直接得來都幾好玩嘅紫速。然後既然都係時候出啲content就寫番篇文，講一講魚毛同魚柳包兩種向嘅幽契。
一般向
Deck Concept
同秘契類似嘅「天下武功唯快不破」湧人頭deck，務求喺遊戲開始後最少turn內解決對手。同血契相比冇咁依賴setup同甦生效果去做打手，手牌有咩就扔晒出來進攻。
因為契仔識派血晶怪戰鬥完結時抽一，只要唔係食砲爆炎擊清枱就可以一怪換一hand。召喚主動賺資源嘅卡就都係用拉嘅比較有效率，始於你比較需要錢做維持。
Deck運轉
正常向冇必要下下搶後攻即刻開車。起手有地版反而攞先攻擺低做輕減賺資源仲好。最好就頭turn撞至3血左右，下一回合夠6c做大契或者配刀做2至3標打手收頭。
防守上較弱。預可以同人磨一turn就留定少數幾張對turn用到嘅嘢，唔好自己攻階交晒出去。用人頭接完人攻勢，下回合再反殺。
Deck List
單卡介紹
契約系契仔
人均加count機。魂態 or alive 都賦予每隻血晶怪打時加2c，意味住呢副deck有任何3隻attacker已經入到end game，構策上唔洗太理推count件。另外戰鬥完結時attacker健在就可以抽一，對於紫速來講確保到有資源打下一波。
請注意真咒擊觸發時點喺入魂狀態前(詳情參考伸手指南2)，食埋人隻怪先上路。
4費契煌
雙方攻階煌臨，可以拉人頭做進攻或者作為blocker防守。目標係拉兩款3(1)嘅怪賺資源。因為可以拉到契仔，有多餘嘅契仔可以考慮唔入魂狀態而係入墳比佢拉。可以被骸皇拉效果召喚，變兩個人頭追撃。
騎槍皇(大契煌)
比起finisher更似只係一隻support。對方有一粒腦細胞都知唔好留珠喺預備區比你做上效，因此單體要配合刀先可能做到大量展開。使用上比較多係煌出來做防cut，然後用前面打嘅血拉一兩隻雙標怪打頭/拉番啲抽牌怪回資源。
Potential of 血晶全家桶扯一堆大佬拉爽的。拉怪可以從手or墳，又無任何cost/標方面嘅限制意味住從60至67代，甚至如果之後再出嘅血晶怪都係騎槍皇效果對象。有咩想玩，覺得夾到都可以落吓。
而日本決賽都好似真係有副「幽契good stuff」嘅存在。可惜未搵到參考，而魚毛都未得閒摸索。
契約brave
加打點+主動解怪，夠6count合隻史萊姆都可以加多標。由於係「戰鬥期間」加一標，把刀比雙光氣彈之類拆咗本體仍然有多一標。結誓效配合大契防cut可以擋到一般防禦手段。用4費契煌防禦可以叫埋出來做blocker。
順帶一提，佢係個0標血晶卡。前期想上count抽1擺低車過去都係一個做法。
怪0費兄弟
就人頭一堆。以順暢度來講6至9個0費就差唔多了，位置同3、4費分。多啲0大啲機會起手搶3血機會；少啲零就容許多少少拉出來有資源嘅卡。
兵仔有咒擊係必用的，而其他可選用嘅0費可以睇後面魚柳包嗰副，較為推薦史萊姆or雀仔。
Bishop
攻階抽上手可以用到，佢啲fd比人撞死咗就追加人頭。拉出來抽一幾好。
黑衣劍騎士
卡組關鍵中位，堆墳堆刀搵煌臨。3(1)召喚要求叫做高少少，會希望用4費煌or骸皇效拉，再唔係先一擺定出來都得。
對turn開真咒都可以煩到人，冇嘢洗錢就比珠佢lv2。
冥王女
同幽契相性極好，配合契仔效打時直接加4c，甚至過完10count可以破上限繼續加2(並冇咩用)。4(3)有張地有啲01算輕鬆，二效又可以合住契約刀開，成張卡就係簡單活用。4費煌做完人頭攻防之後可以用冥王女回收番，以後用骸皇召番冥王女重重複複重複又重複。
媽的呢張卡做壞了吧。
骸皇
兩次攻擊以後，堆墳與人頭有。無乜特別好講但係一張重要潤滑油。要拉咩前面都講晒，而本體都係一個兩標物體比大契拉(合刀又3標)。
大甲帝
終於有張好用啲嘅血晶系Burst。
單係撞車變隻兩標怪已經夠勁，泵2珠當做為下一turn攻勢做準備，穿抗解怪還錢當送。
另外做少少同聖皇嘅比較：呢副deck運轉正常時可以做到1 hand 換1 hand/1血/1隻怪，聖皇補多兩手未必可以幫到自己做多一波攻勢。而大甲帝攞2core再多一個紫標係大幅減輕咗副deck召怪上嘅負擔，本體攻擊完都可以藉由契仔效抽一。
純血晶砌法未能用聖皇/採用會有check錯卡嘅風險。用聖皇嘅優勢會在可以被動解地解怪，同前期自己細怪換唔成hand比人清走時幫自己回番手牌。如果唔落骸皇禮拜堂呢啲限系統件，我阿媽都識叫我打埋聖皇。
極帝龍騎
魚毛: 係我幽契嘅key
契煌but決定擺到最後先講，star of the show。
煌臨Count條件未到最簡單，但需要時通常都夠。但相反煌臨系統條件係過份嘅簡單：血晶，that’s all。你隻兵仔A緊佢一棍隨時soul都唔洗變多標出來。本來仲會係一張冇乜人預料到嘅一張卡可以打個出奇不意，但撰文時都開始見人收緊，應該都開始有啲知名度了。
啪血煌+炸怪泵一等於下turn多2個core用。有埋對turn開真咒擊時，留作防守唔差，用完後面大契急call番做人頭。仔唔記得升定lv2可以極帝炸怪泵一變2珠=>煌大契。
啊，佢仲要一張卡可以符合到both大甲帝同聖皇嘅主動觸發(如果你有落)。
地 and 魔法禮拜堂
純血晶staple，粉一抽二好棒棒。
古代神殿
對turn開真咒擊唔係一般嘅煩。lv2擺低1 hand換多2 hand十分有用。
Noir shoot
堆墳解怪，cost低方便做防守用。
比較要用嘅位係開大契前做。幽契比較少主動解場同搞唔到地卡啲珠，mg可以清定4珠比自大契食資源+拉怪。
未採用卡
亡命者
開呢欄就係為咗講唔用你。
6(3)基本上唔存在手推佢嘅時機，叫只可以被契煌拉先易用但又要塞佢入墳麻鬼煩。召時一人踢一粒佢似想殺自己友多過殺對面，回soul比自己做多波功勢係好嘅。本來尊重上打個一，但都係好似上面咁砌最完整。
Too much setup, too little reward. 下面一位。
影刃
其實有趣的。可以比冥王女做二效/幫大契炸啲珠落預備區，又可以追一count早啲做極帝。但召時不穩定性太大，又冇乜位再落brave。有可惡嘅地卡朋友就考慮打下。
審判蛇其他血晶burst
一開始以為蛇會係呢副deck必須，連同大契一齊用。後來發現主/被動觸發蛇嘅機會都少，副嘢都唔多甪靠大契拉怪而唔用了。
Burst 呢樣嘢最虧係攻階先上手，而幽契最叻係咩?攻階加hand。所以幽契雖然容易因為burst得益，但同時都未必活用到burst。更唔好講血晶系啲burst得兩張好用。
咒裏契
比較有趣嘅pick。
基本上白版一張+落唔到枱。大契召出來，到Count 7以上常時派血晶效穿抗。身邊環境要打抗性deck可以落一個surprise對面。
黑塔
臨出文見到一副採用黑塔嘅砌法決定講講。
位置會係食禮拜堂個位，大幅增加對契約/龍我系嘅妨礙。拖慢人節奏比多少少機會自己撞多turn。要注意就係用咗嘅話4契煌同極帝個防守用法直接冇咗，可以考慮out契煌轉啲burst。但副deck由紙皮防變近乎flash timing no guard。
Extra reading: 01車車 by 魚柳包
諗咗咁耐，係咪唔想再諗到底副幽落咩比槍騎王拉呢！咁就唔好再諗了，投入後一輸出特化型嘅懷抱啦。砌法好簡單，個底就係打齊仔同血晶0分先，再將想用嘅功能紙攝齊位就可以。
副野嘅諗法就係後一點樣打齊最多格數，所以會pick嘅卡都係希望做到main鋪夠01，攻階抽到上手嘅卡用最低成本再追打點。
單卡介紹
(魚毛懶，老母魚都認得嘅卡就唔放圖了)
細怪血晶01: 樣唔重要，官網search到有咩就用咩。就係一格，存活到仲送1 hand。部分0有特異功能，記得lv2。
夜族狼: 2-2優秀妨礙卡，min人抽1乜都得。會優先想保住佢，最後先a。
三神: 基本無料打點仲送1 hand。唯一尷尬嘅位係複數上手同上手後冇方法加count飛佢（爆10c/冇血晶可以打），打2都夠。
霧龍:
有機會重複利用嘅打點。2 hand一次嘅代價你差嗰一血都要交，實戰上都畀得起。唯一會食零反嘅位。
水蟲x:
比$1就係一格，單純地優秀。
權天: 唔使解釋 最高power單卡。極限$4三格輸出
契煌系紫審: 識得變多一個人頭嘅卡。可以擺soul係0上面，打完甩死踩係其他人上面打時拉1。複數上手完全冇用所以唔想打3。
極帝龍騎: 如上面介紹6c嗰陣用等於打多春 不虧。 8c用等於免費多1-2格 血賺。 可以踩係0分上面突破戒心， 比起紫審複數上手有機會做多次。
紫守mg: 4-3 甚至免費嘅人頭魔法，記得可以拉手(魚毛:咦?)。 再利用抽上手嘅0分1分甚至係夜族狼返場手段。
冇pick嘅消破系burst: 其實唔係唔打得，不過如上述有機會轉變唔到做格數（入攻階先抽到/對面唔踩），甚至食pizza。
MachG:
理論上免費一格不過要留錢係reserve。 有時抽到但係自己成枱怪都冇死嘅話就用唔到。
書卡齊格鱗:
4-2嘅人頭 叫做有附加效果。 以人頭嚟講有啲貴，有需求flash解怪解地可以諗打唔打嘅。
4煌: 太少對象 不如紫審。
8煌: 比起極帝煌到就2格相比上限更高，但前期6c做到個下好大機會錯過打效時點。極端情況下後一先做到輸出。
契約brave: 理論上$1比到仔多一格，但亦有機會卡到後一上唔到6c。攻階上手冇用，係唔打本家契煌情況下不如一隻0分。
對局，Deck優缺點:
對局: 祈禱唔好食防、唔好唔夠格數。即使數唔齊格數，盡力打希望抽到紙幫你頂到下turn唔使死住。
優點: 唔消耗腦容量 適合放工玩嘅dk。 打賽可以3分鐘一鋪（對面唔拖你嘅話）。
缺點: 冇交流可言。funplay多幾鋪你就會同朋友搓完包剪揼直接開hand睇dk面頭5張算
後記
睇完66、67兩代都估到幽契嘅未來已經大概剪定咗，唔期待之後有咩大buff。之後出新章連「血晶」會唔會繼續都成問題。所慶幸嘅係副deck都出得完整，單靠一代已經run得幾順暢又有一定戰力。幽契本家可以考慮純唔純血晶，仲有00001砌法同血晶goodstuff呢啲隱藏向比大家探索。It was fun while it lasted. 大家哈帝斯導讀再見 - 魚毛
(文: 魚毛，魚柳包)
この記事が気に入ったらサポートをしてみませんか？