伸手指南
前言
早晨，我係魚撚。
事緣有個friend想拉人入坑，佢問我有咩YouTube Channel係值得睇，霎時發現自己除咗wone之外答唔出其他嘢。不過直接睇gameplay片學規未必最正路，所以就寫篇簡單嘅新手指南嘗試解釋隻game做緊啲咩。呢篇文會集中講下效果解決，target audience係嗰啲睇過官方rule book，知道常見terms點解，大概讀得明text同清楚遊戲基本流程嘅朋友仔。如果真係咩到唔識嘅話建議睇一次官方rule book（香港官網有中文pdf！）先會好的。希望大家睇完會少的玩錯效嘅情況。
呢篇文會分做基礎篇同知識篇。基礎篇講嘅係關於效果處理，係遊戲運行嘅基礎，而呢啲規則嘅interaction可以好複雜，作為新手絕對有可能係較後嘅例子感到mindfucked。而知識篇未必牽涉太多效果處理，相較之下係你聽過就會明的。
基礎篇：必發定選發？
係BS裏面，有啲效果係滿足時點就一定要做嘅效果，我哋會稱呼佢哋為「必發效」，反之你有得揀處唔處理嘅嗰啲就係「選發效」。我哋可以簡單地睇句尾嘅動詞去分辨效果係必發定選發。
必發：する／し／置く／戻す／として扱う／させる
選發：できる／でき／置ける／戻せる／OOことでXX
明白到效果有分必／選發嘅其一重要影響在於召喚時效果係必發定選發。有時你望到對面set低咗張burst，而你唔想踩召喚時burst諗緊有冇得唔發動召喚時效果。如果你需要拍低個張卡係選發召效，咁恭喜你，您可以揀唔做召效避免踩burst／mark 6。不過如果係必發嘅話咁係你拍低張卡個下效果就要處理，一個唔小心就會食坑了。
基礎篇：A B句式: 因果、同時、先後決定
BS效果經常會有多句句式。一般嚟講，成條效果即使有一部分處理唔到，都唔影響其他部份嘅處理。不過藉由式嘅效果就唔同了。如果處理唔到一部份，其他都處理唔到。以下係一啲常見句式，佢哋嘅處理方法都有唔同。
「Aし、Bする」，A和B須同時選擇對象，並盡可能同時解決。
「Aする。さらに、Bする。」，A和B須同時選擇對象，並同時盡可能解決。
實際操作上，兩者嘅分別唔係好大，總之一齊揀對象就得了。「Aすることで、Bする」，A和B須同時選擇對象，並同時解決，不過兩個後果不能同時完成指定數量解決的話，整個效果都不能發揮。
「Aする。そうしたとき、Bする。」，A解決後，若果成功完整解決指定效果，儘可能解決B。如果A未能跟據指定數量解決的話，則不能解決B。
「Aする。この効果発揮後、Bする。」，A解決後，處理A導致的派生效果，再盡可能解決B。如果A未能跟據指定數量解決的話，則不能解決B。
「Aする。その後、Bする。」，A盡可能發揮後，不受其他效果介入處理B。即使A不能解決，也可以選擇B的對象並解決。
「Aする。または、Bする。」，可以選擇執行A或者B效果。
「Aするとき、Bしなければ、Aできない」，A的時候，不執行B的話就不能A。
「相手が、Aしなければ、Bする。」，對方不執行A的話就B。
基礎篇：效果發揮順序
如果你有玩過其他TCG，應該會明白效果發揮嘅順序有幾重要。遊戲王係排chain，WS係turn player決定，而BS嘅處理主要都係turn player有大部份決定權。
首先，效果處理都有優次順序，當有多個效果同時發揮，要先解決1. 持續發揮嘅效果，然後再解決2. 瞬間發揮嘅效果。持續發揮嘅效果嘅例子有裝甲呢啲「未標明時機的效果」，或者「階段期間持續發揮的效果」。瞬間發揮嘅效果即係有寫明發動時點，例如「このスピリットの召喚時」呢啲一旦滿足時點嘅瞬間就可以發揮嘅效果。當1同2有多個效果同時發揮嘅話，就係由turn player決定同級嘅效果發揮順序。如果A效果誘發X派生，除咗「Aする。この効果発揮後、Bする。」要係A解決後處理晒派生先到B處理，其他情況派生係唔可以插入成條效果嘅處理。
舉個簡單嘅例子。如果我Lv2 拍低銃震竜バレル・ドラゴン，效果發揮嘅順序會係1. 獲得超装甲：紫/緑/青，2. 發揮召喚時效果。掉返轉，如果我Lv1 拍低佢，咁就係發揮召喚時效果先。如果處理完召喚時效果佢升上Lv2，再發揮派甲效。
另外，如果雙方同時有手牌誘發效果，非turn player要先展示發動咩效果，再到turn player 展示，最後由turn player決定解決順序。例如turn player手揸權天，對面揸住絕甲同血解，當turn player嘅spirit打入血時，雙方同時有手牌誘發，對面就要先提示晒佢因入血而做嘅所有誘發，之後到turn player提示，最後由turn player排順序處理。
最後，如果處理緊嘅效果產生新嘅派生時要即刻處理，同時有2個派生嘅時候，同樣係根據turn player決定先處理邊個。
知識篇：讀懂條件基礎篇
當你睇緊張卡嘅煌臨條件時，或者效果發揮要參照卡名嘅時候，到底點分辨係包含「○○○」名就得，定係要完整卡名？
其實，如果係指定含有「○○○」名嘅話，寫法會係：カード名に「○○○」が入っている（Block 4前）／カード名に「○○○」を含む（Block 10前）／「○○○」（Block 10後）。所以以下兩張Nova回血嘅條件，都係煌臨係含有「ヴルム」名嘅卡上就可以了。
另一方面，指定完整卡名嘅寫法會係：［○○○］／カード名：「○○○」。所以只有左邊嘅Rv鐵騎王先有正確嘅完整卡名，而右邊嘅鐵騎王X個名係多咗個X，唔符合條件的。
而有啲新手朋友仔睇緊合體／煌臨／神託等條件嘅時候，經常會發生以下情況，例如問「召斷藏神託到月讀嗎」。要學識睇條件，我哋攞阿寶做示範：3分嘅MS合到嗎？合唔到，因為MS 或者MA都要4分以上先合到。咁3分嘅RGz合到嗎？係合到的，因為係逗號之後嘅就係同前面無關。
另外，效果對象指定「スピリットカード」係指係deck／手牌／手元/墳嘅spirit卡。即係點呢？例如「呢張卡嘅卡名視為「○○○」」嘅效果只會係張卡未拍落場上時適用，或者咁講，當一張spirit卡存在係場上時，佢就係「Spirit」而唔係「Spirit卡」。相反，如果效果指定「スピリット」就無法對deck/手牌/手元/墳嘅卡適用，而係指定場上嘅spirit。
如果seeker開中阿波羅Past，冇錯，係可以當作「創界神阿波羅」加入手牌的，開中2張阿波羅Past時，你喜的話都可以入晒2張。但小界放就唔可以用阿波羅Past／Future嘅珠嚟做了。A面的話，佢嘅改名效係落枱後已經唔適用，而A／B面個名亦唔啱。
如果天照龍神攻擊使用天照界放洗全枱效，喺場以外嘅「スピリットカード」依然可以發揮效果，例如手牌嘅己械人加速/白帝change等。
知識篇：色一色／のみ、色以外
BS有6隻色as we know，當效果要參照顏色時，佢嘅寫法會點影響效果判定？我哋睇下一個例子先：
到底我手元同枱齊咗10張紫色卡（其中有張re alex），開唔開到紫暗嘅闇奥義・天獄？
呢個時間我哋就要講下咩係「のみ」了。有打開日麻嘅一定會聽過ノミ手，即係只有1番嘅糊。のみ即係「只有」，當你field同手元有非紫色嘅嘢，包括唔係紫一色嘅，就已經唔滿足發動條件。
我哋又睇下另一個例子：
如果我時空龍打緊洗唔洗比$1？答案係要比的。只要你有其他顏色，就算係「青以外」嘅sp了。
基礎篇：待機狀態
係Ver. 11嘅時候，規則上為離場時卡片增加咗個待機狀態。簡單嚟講:
如果你場上卡片被破壞／消滅／除外／返回deck或手牌，係效果處理時會進入待機狀態、保持上面嘅core。
- 因破壞而進入待機狀態嘅卡可以發揮全部效果、被任何效果參照。
- 如果係因破壞以外方式離場就只可以發揮「消滅／彈返hand／deck／離場時」效果、只受「效果不能發揮」影響、不能被以上效果以外參照。
當令佢離場嘅效果解決後，先發動「フィールドを離れるとき」（離開場地時）「手札/デッキに戻るとき」（回到手牌/咭組時）「消滅/破壊したとき」（消滅/破壞時）等效果，如果冇「フィールドに残る」等效果嘅話就會落墳／去效果指定嘅地方，core放返去指定地點（e.g. reserve in most scenarios）。
總結一下: 如果一張卡離枱，佢嘅待機狀態會持續至離場個下嘅所有誘發效果處理完結，跟住先真正結算離枱。
舉個例子，維持神龍煌臨時效果指定ムトゥードラゴン會點處理？
首先，維持神龍煌臨時選擇ムトゥードラゴン，ムトゥードラゴン進入待機狀態。呢個時候會先完成維持神龍煌臨時效果處理，即藉由將ムトゥードラゴン返回手牌，維持神龍回復。最後觸發ムトゥードラゴン離場時效果，可以藉由將裏手元out game留場。
另一個例子，假設對面有塊Lv1凍火山，我Lv2召喚鎧闘鬼，咁嘅話抽卡效果使唔使跌2？
我哋配合係效果發揮順序學過嘅嘢，首先要解決嘅係「Lv2・Lv3 自分のトラッシュに[ソウルコア]がある間、相手のネクサスすべてのLvコストを+2する。」呢條無時點效果。因此凍火山會先因唔夠core維持Lv1而消滅，落墳，之後再處理鎧闘鬼召效抽卡。呢個時候，凍火已經唔係枱了，所以抽2唔使跌2。
不過如果係對面有凍火時，自己turn用バスタースピア呢？
咁嘅話，當你使用flash效時，先破壞凍火，凍火呢個時候進入待機狀態，之後必發抽2。由於抽2誘發凍火跌hand效，最後凍火先落墳。
另一方面，Freedom嘅效果亦係處理唔到識留場嘅怪。當Freedom發揮煌臨時效果，抹效指定太陽守護蟲，呢個時候守護蟲會進入待機狀態，係Freedom煌臨效處理完畢後再處理留場效。而當Freedom煌臨效指定黑嫁doll時，會成功無效到黑嫁嘅不能返deck效果，因此解到黑嫁。同理，Freedom亦無效唔到離場時轉醒嘅效果，如時空龍。
基礎篇：錯過時點？攻擊時效果、效果持續
前面講到，效果可以分為瞬發類同持續類。實際發動同處理上可以再加以分類，呢點係攻擊時效果嘅判定好容易睇到分別。
（i）瞬發類
大部分嘅攻擊時效果都係屬於呢一類，例如上面提到嘅超神星龍同維持神龍嘅打效都係屬於呢一類。如果效果文內冇另外註明時點，而效果係一個瞬間發揮並解決嘅話，佢嘅瞬發時點就係進行攻擊宣言時。
另一種瞬發類攻擊時效果係效果文內有註明時點，如被阻擋時、battle end時，效果就會係到時點時發動，例子有faiz穿血。
（ii）常時發揮類
另一類嘅攻擊時效果就係常時發揮類。雖然呢類效果都冇註明發動時點，但佢哋嘅效果並唔係某個瞬間發動並解決，相反係一個常時發揮嘅狀態。呢啲效果係隻怪打緊期間常時發揮，例子有龍機抗性，Zio II加標。
（iii）賦予類
最後一類嘅效果唔同少少。雖然佢嘅效果都係狀態類，不過佢有係效果文內註明適用嘅階段，例如呢個battle追標，呢類效果嘅發動時點同（i）一樣，亦係進行攻擊宣言時發揮並解決，效果適用至指明時點。
雖然以上分類以攻擊時效果作例子，但對於其他時點類型嘅效果大致都係同樣邏輯地適用。
我哋可以見到，以上效果有啲有特定發動時點，又有啲係打時自動適用。呢個時候最容易發生嘅情況就係：效果係佢指定嘅時點發生之後先存在，有冇得發動？Obviously，錯過時點嘅話就發動唔到。最常見嘅例子如超神星龍打效，假設煌星銃打緊，flash 煌臨nova（唔裝填），呢個時候已經過咗攻擊宣言，所以明顯地，nova 嘅打效係無機會發動的。
不過呢個時候聰明嘅同學仔可能就會問：乜光殼刑事唔係Lv1打時升上Lv2都有得發揮回復咩？個回復都係瞬發效喎，點解冇錯過時點？
咁係因為因Lv提升而可以發揮嘅效果係視為令佢Lv提升而可以做到嘅派生效，呢點係獄風叉珠上Lv2可以扭蛋亦同理。
另一個less obvious嘅例子係翼神機巧。如果佢打時轉醒嘅時候對面冇怪，咁有無得穿2？
答案係唔得的。因為攻擊宣言時佢仲係A面，無得參照B面。當佢轉做B面時，發動時點已經過咗，所以冇得發動的。
另一個經典例子就係皇Z。當皇Z係攻擊階段開始時拉第二隻皇Z，第二隻皇Z有無得發揮攻階開始時效？答案係唔得的。當攻階開始時第二隻皇Z未存在係枱上，嗰個瞬間冇得參照第二隻皇Z嘅效果的。
對於（ii）持續類同（iii）賦予類嘅判定亦有個明顯嘅分別。持續類效果係當你成為第二只怪嘅時候（e.g. 煌臨／change）就會自動不適用；而賦予類效果可以被繼承，即係煌臨／change之後仍然適用。例如假設有隻手推嘅Zio 2，再係上面煌神主牌，佢嘅加標效果就冇得再被參照，會不再適用。相反，係呢個battle加咗標嘅神擊甲龍上面煌維持神龍，佢嘅加標狀態仍然存在。呢度你亦知道咗樣嘢，就係煌臨之後會繼承煌臨元嘅狀態，呢樣野同後面會有關。
基礎篇：Turn 1？Game 1?傻傻分不清
唔少效果上都有註明turn 1 game 1，而有啲就會講明同名 turn 1。佢哋嘅分別在於就咁寫turn 1（ターンに1回）嘅話，只要有第二隻就可以同turn發動多一次，例如雲契仔。相反，同名 turn 1〔ターンに1回：同名〕嘅話，即使你變多一隻佢出嚟，只要佢哋係同名就冇得發揮。順帶一提，同名turn 1／game 1嘅寫法有改過：
同名 Turn 1：この効果はターンに1回しか使えない／〔ターンに1回：同名〕
同名 Game 1：「この効果はゲーム中に1回しか使えない」〔ゲームに1回：同名〕
而有啲效果亦係講明重複不可的。即使你有2隻同樣嘅嘢係場上，對於同一個原因誘發都只可以發揮1次。最近都改咗寫法，由「この効果は重複しない」變成〔重複不可〕。例如血契仔，你粉1中血晶時，無論你有幾多張契仔都只會加1 count。
有個比較得意嘅判定就係如果效果一開頭寫明turn 1，成個效果都會係turn 1，唔會話句號後就另計。例如超龍騎神嘅煌臨/攻擊效，即使你再打或者煌返多隻超龍上去，都係冇得發動さらに後嘅穿血（and obviously 前面嘅回復）。相反，rv光劍嘅叉1同回復就只有回復先係step 1。
基礎篇：Burst／mirage處理相關
Burst作為遊戲反制手段一環，相關嘅規則亦要清楚。首先，burst區唔係場上，所以set低嘅burst（同埋係上面嘅mirage）係唔受「場上卡嘅數量」參照（例如逢魔時王），或以場上嘅卡為對象嘅效果，所以如毒騎士嘅效果係解唔到mirage的。佢哋嘅效果亦屬於佢哋嘅卡種，所以spirit burst效果會被spirit抗性阻擋，而magic mirage效果會被magic抗性阻擋。
另外，burst雖然有誘發條件，但佢嘅處理順序係喺其他效果都處理完先解決。你可能會留意到，burst嘅發動條件都係○○○後，例如Re Alex嘅發動條件係自己生命值削減後，即係假設入血有其他派生/手牌誘發效果，呢個時候同其他效果一樣，提示晒所有要做嘅效果（包括Burst），根據類型同turn player決定按順序解決晒其他效果，最後先到burst嘅處理。
講到burst，不能不提嘅係burst附帶抗性同應對burst效果嘅分類。眾所周知有啲burst係set緊時唔受效果影響（e.g. Re Alex），或者唔可以被拆（e.g.隱騎），有啲嘅burst係比效果破棄時仲可以發動添（e.g. 天照五誓君）。同時，有啲卡可以破棄/彈burst，係特定時點令burst不能發動，或者令burst效果不能發揮。炸/彈burst嘅處理好容易理解，就係唔食相應效嘅話就冇用；而burst不能發動嘅話，只要係發動個瞬間（set低狀態）唔食效就可以發動。相對地，burst效果不能發揮係針對player嘅效果，可以理解為成條burst效變成白紙，所以雖然你可以發動，但係處理效果時佢已經唔係set低，所以到解決時會乜都無發生，即使有set低時抗性都應對唔到。
而講到burst 就唔可以唔提超星使徒呢張卡，作為block 7前嘅古早手坑之一，超星使徒可以係burst發動宣言時（呢個時候已經要公開burst，所以可以睇咗先揀提唔提示）進行burst破棄，變相做到護航/count防紙再賺兩珠。
但當超星使徒遇上Alex等set低時唔食效/唔會被破棄嘅卡嘅時候，由於超星使徒係喺burst效果發動前處理，規則上張burst仲係set緊嘅狀態，所以burst唔會被破棄，可以照常發動。Set低時被破棄可以無視條件發動嘅burst(e.g. 五誓君)亦同理，係被超星使徒破棄畤可以無視條件發動，從而繼續處理burst效果。值得一提嘅係喺手牌/手元/公開出嚟發動嘅burst（e.g.U hand/天靈黑肉天使/天渡死龍burst/女顯/黎明之騎神）都可以被超星使徒對應拆走，唯獨係喺墳發動嘅burst因為已經冇得被破棄嘅關係，所以雖然可以照飛使徒，但係burst都係照常發動。
基礎篇：以場上為對象？（天照龍神vs斬騎／alex）
前面都講過，效果對象嘅「スピリット」係指場上嘅spirit，所以好似天照龍神呢啲「spirit效果不能發揮」嘅效果，到底對於發動中嘅burst有冇效果呢？聰明嘅同學仔可能仲記得，由手牌發動嘅Spirit卡效果如加速/change，即使天照龍神效果適用中仍然可以發揮效果，因為佢行緊相應嘅text時仲係張spirit卡，而非落咗枱嘅spirit。其實呢個判定擺返去burst發動時亦係同樣邏輯，只不過判定點在於效果文寫法。
其實，發動中嘅burst係召喚前係處於「Burst狀態」，唔受以Burst為對象（e.g. Burst效果不能發揮）以外嘅效果影響。由佢效果文run到召喚個瞬間，佢先至適用於對Spirit嘅效果。我哋用Rv Alex同斬騎做例子就會睇到處理上嘅分別。我哋睇咗Rv Alex嘅寫法先：
假設天照龍神入血，入血時提示Burst發動，處理Rv Alex。Rv Alex召喚，呢個時候，佢就適用天照龍神嘅洗Spirit效。之後佢嘅text就會變成一張白紙，cut攻階效果就咁冇咗。（記住！Rv Alex嘅抗性係佢發動後就已經冇咗！）
跟住我哋睇下斬騎會點run。
假設天照龍神入血，入血時提示Burst發動，處理斬騎。選擇對面2隻Spirit/ Ultimate疲勞，跟住選擇一隻疲勞嘅落deck底，假設揀咗天照龍神，咁佢就會入待機狀態。呢個時候斬騎嘅burst效處理到可以cut in嘅位，所以處理天照龍神適用嘅彈走/離場效，之後就結算待機狀態，冇留場效就返deck底。最後斬騎召喚。
可以見到，由於burst效果文寫法，當對上天照龍神呢類對spirit效嘅時候就會係判定上有唔同，同樣邏輯可以套用到數契書架等卡。
知識篇：創界神／創界石基礎（裝甲潮文、神託次序／次數）
相信有返一定年資嘅player都會對裝甲潮文有印象。「首先要搞清楚...」，大致上就係話因為裝甲系效果除咗超重裝甲係寫唔食個隻色嘅全部效果，其他裝甲淨係寫唔食nexus，while佢認為創界神nexus唔係普通nexus，所以裝甲／重裝／超裝都食創界地效果。當然，呢個好明顯係個錯誤示範，件事meme到今日講起創界地基本判定都會講到呢篇文。而家就簡單講下創界地／創界石嘅基本判定，希望新手們唔好再問地抗對創地有冇用了。
第一件事就係，雖然「創界地只能受到以創界地為對象的效果影響」。但係「創界地嘅效果仍然係地效」。即係點？創地唔會食「破壞一張nexus」呢類冇指明創界地嘅效果，但創界地嘅效果，有nexus抗性係防到的。簡單嚟講，雖然女人唔一定係阿媽，但係阿媽係女人。
然後，神託嘅時機都要講講。冇同名創界地係枱嘅時候拍低可以碎3 deck神託呢個大家都知，點睇對象亦都唔難。要講多少少嘅係，首先，因效果同時召喚／煌臨2隻以上啱條件嘅怪時，神託「只會有一下」。神託可以理解為召喚／煌臨時嘅派生，而神託嘅效果文亦寫明係「召／煌／配置合乎條件嘅嘢『時』託一下」。個「時」唔係指你每召一隻，而係做一下牽涉召／煌／配置嘅動作／效果。而且，神託算係召喚／煌臨時派生，代表你可以選擇做咗召效定神託先。
舉個簡單例子，如果你入血提示Rv烏蠅，選擇拉魔七XV同鬼神女王，係佢哋兩個同時召喚時，赫拉地會託一。當處理完魔七XV同鬼神女王召喚嘅派生效後，Rv烏蠅召喚，赫拉地再託一，total會託到2。
如果你明白以上關於創界地嘅嘢，相信你應該都會理解創界石相關同解封嘅判定了。
知識篇：煌臨相關判定
之前都有提到，有啲瞬發效果係會給予對象效果，而煌臨係會繼承呢類效果的。除咗呢樣嘢，而家我哋嚟講講煌臨嘅其他判定。
首先，除咗煌臨，呢隻game仲有其他如神煌臨，超煌臨，契約煌臨等效果，呢啲都算係煌臨嘅一種，所以煌臨時適用嘅效果係契約煌臨等亦會適用，例如藍聖遺回soul。
然後，我哋而家講下煌臨條件同時點。用翼神機嘅煌臨text做例子。佢嘅煌臨條件係白色&cost 5以上嘅spirit，而煌臨時點係互相攻階。如果係自己攻階係戰艦上面flash煌翼神機可以嗎？當然可以，首先，佢係武裝，所以可以無視煌臨條件，而時點亦都正確。跟住我哋睇下槍煌神機，今次佢嘅煌臨時點係對手攻階。咁係自己攻階可唔可以係戰艦上面煌臨？今次就唔得喇，因為戰艦只可以無視「條件」，而「時點」仍然需要遵守。
咁如果係攻階發揮翼神機count magic效果時，可以係戰艦上面煌臨嗎？今次就唔可以了。因為效果註明係喺spirit上面煌臨，係呢個效果執行嘅一部分，而其對象亦要參考返翼神機本身嘅煌臨條件。另一方面，如果係main對手使用magic，亦可以用翼神機效果count，毋須遵守煌臨時點。
另一方面，如一幼等效果可以係效果發動時煌臨，呢類效果可以無視時點煌臨，但仍要遵守煌臨條件，如無特別註明，soul亦要移動到煌臨卡註明嘅地點（e.g. 獄風扭最終契約煌臨soul 要放void）。
跟住我哋嚟講下免soul煌臨系嘅分別。諸如翼神機呢類，係「唔需要將soul放去廢棄區」，呢類效果soul要係場上／預備／life先可以發揮，soul已經係廢棄區嘅話係冇得做的。而銃皇機神呢類係「soul當作放在廢棄區」，即使soul係廢棄區都可以煌臨的。
知識篇：轉醒相關判定
轉醒簡單嚟講即係一卡當兩卡用aka裸跑玩家嘅末日，正反兩面都有效果，所以比一般卡多2-3個效果，亦因為咁轉醒呢個gimmick由block 7一直強到block 10，亦有幾樣嘢需要留意。
首先係當同時滿足複數條件時只可以進行一次轉醒。轉醒可以理解做一種派生，當同一個動作（例如入血/離場）派生多過一個轉醒，例如枱面同時有爆霸龍同藍世嘅時候，當對手嘅生命值被削減，只可以選擇其中一個進行轉醒。
但只要唔係同一個效果同時派生嘅轉醒，就可以分別轉醒，其中一個常見嘅有冰刃姬+白世。冰刃姫打時回復可以先派生白世嘅轉醒+count同轉醒時效果，再用冰刃姫嘅轉醒做到複數嘅轉醒。純冰姬更有可能係冰刃姬轉醒時解封冰姬石再派生多一個轉醒。
實戰上多數時候轉醒都屬於同一時點派生，雙方同時提示轉醒嘅時候，會由turn player決定順序，有時亦會因為處理順序而令轉醒條件唔再符合。例如終焉攻擊，非turn player提示綠世轉醒時，turn player可以排終焉回復先，咁樣綠世就會錯過時點而唔可以轉醒。
另外離場時嘅轉醒必須滿足b面（即係轉醒後）最低lv 嘅cost。舉個簡單嘅例子，係對手有夜族兩分狼令自己soul唔食自己效果，呢個時候冇珠嘅世界地提示轉醒時會因為無法滿足b面lv1嘅最多cost(一珠）而無得反轉加count直接被消滅。
知識篇：契約spirit & 魂狀態相關判定
契仔作為Block 9 introduce嘅 gimmick 係而家環境基本上9成會遇到，清楚佢哋相關判定都好重要。基本知識有：契仔／煌咗嘢係上面嘅契仔死咗之後會變成魂狀態，係「Brave分離作spirit狀態留場」時（即係留場效處理後）處理。魂狀態不能被以魂狀態為對象以外參照，計輕減時唔當場上標誌，即係除咗執行緊嘅效果有寫魂狀態/契約煌臨時，魂狀態嘅契仔可以話唔存在。
基於以上嘅嘢，如果契仔離場時玩家決定以魂狀態留場，殲滅系列嘅burst可唔可以發動？答案係唔可以的。因為魂狀態留咗場就唔算成功離場了。
而賽特神殿呢張卡嘅判定亦值得一講，佢嘅效果係互相只可以係顏色一致嘅spirit上進行煌臨同埋main step唔准煌臨，咁係魂狀態契仔上可唔可以煌顏色一致嘅契約煌臨上去？由於魂狀態嘅顏色冇得被參照，所以係煌唔到的。而對於係UT／地板上面嘅煌臨，由於佢哋唔係spirit，亦都係唔俾做的。判定上呢類影響煌臨執行嘅效果（如黑塔），係要煌臨元同煌臨卡兩者都唔食效先可以契約煌臨。魂狀態本身唔食效，所以只要同時手牌唔食效就可以係魂狀態上契約煌臨了。
進階篇：誘發系宣言時點（Pizza／M6／零反／翼神）
前面提過手牌誘發時嘅提示次序同最尾再由turn player排處理順序，而家我哋嚟講下某啲誘發系既宣言時點同執行。
首先係如M6翼神等嘅「その効果発揮前に」執行嘅效果，明顯地，係使用／發揮某啲效果時提示，而係該效果處理前先解決嚟啲誘發卡嘅效果。值得一提嘅係，玩家係可以係「只涉及公開區域」嘅效果選擇對象後先提示，例如角仮面召效需要選擇做抽跌或者skip attack step，對面可以係角仮面召效選擇如何處理後再提示M6。相反，「涉及非公開區域」嘅效果嘅會係效果處理時選擇對象，所以例如斬hand召效呢啲牽涉對手手牌嘅效果，就會係對象選擇前要揀是否提示M6。
而好似超星使徒／零壁嘅ただちに（即時），佢哋要係符合條件時提示，並優先處理該效果。如果處理咗其他同時點派生效果先嘅話就唔可以提示。例如骸阿修羅，當效果破壞自己spirit時，係處理其他破壞派生前要提示並優先解決，如果其他破壞派生效解決咗先就冇得提示了。相反，好似加count龍呢啲冇寫即時發動嘅，就係實際處理到burst之前都可以宣言發動。
講到零反（如炸怪／cut step），佢哋作為即時處理嘅效果亦要提下處理上判定。首先，零反係免費召喚時，召效發揮前立即使用。結論嚟講，無論係召效，召喚時派生效果定神託都發揮唔到（係炸怪零反嘅情況，由於係做上述動作前隻怪已經落咗墳，所以係冇得發揮呢啲動作的。而cut step零反嘅情況就係解決cut step時只會處理零反相關嘅派生，所以召效等效果會係處理前就cut咗step，冇得處理了）。而處理零反時，誘發佢嘅個隻怪要仲係場上先可以處理，所以一次交2個零壁嘅話，如果第一下就炸咗免召個隻怪（或者其派生令佢離場）嘅話，第二張會變到唔符合使用條件。值得一提嘅係如龍面鬼呢啲包含免召嘅效果，處理途中冇cut in位（此效果發揮後）嘅話，零反要係成個效果解決後先可以使用。
進階篇：指打相關處理
一般攻擊會以：「攻擊宣言＞攻擊宣言派生效果＞靈動＞防禦＞....」嘅流程進行。而指打類效果 (eg. 太古の翼刃テラード・ヒューラー) 則會跳過防禦前嘅靈動 。
雖然會跳過靈動，但指打並唔係開完效果直接進入防禦宣言嗰一步。Blocker 正式防禦前，雙方都必須先處理攻擊相關效果，例如：攻擊時觸發嘅效果、打時爆裂等等。如果因為當中任何一樣導致已指定嘅blocker離開場上，本次攻擊會變回普通攻擊。
因此大家可以見到，一般打過去係你成功入血前你通常會食對面嘅flash先，對面有應對手段嘅話即使你場上夠打點都未必收到頭。而諸如faiz呢類被擋時穿血效配合指打效果就可以跳過flash穩陣造成傷害，但只要對面發動打後burst扯死被指打對象就會有返擋前flash了。
後記
寫寫下又成萬字，當然由一開始諗住寫啲最基礎嘅嘢去到一啲複雜少少嘅判定了。想寫嘅嘢仲有好多，遲啲再繼續寫埋佢，不過下篇就真係中級向了。
この記事が気に入ったらサポートをしてみませんか？